Megi Dio hvíla í friði

Ég vil votta sannri hetju virðingu mína.  Ég er kannski ekki mikill bloggari en, andskotinn hafi það, ef einhver maður var virði þess að ég skríði úr híði þá var það Ronnie James Dio.  Það er sjaldan að listamaður hafi þá burði að vera klár, gáfaður og vel lesinn, en með jafna getu til þess gullfallega söngs og og textasmíðar sem Dio bjó yfir.

Þetta er sorgardagur í lífi mínu.  Ég drekk viskí í heiður minningar þessa glæsilega manns og gullfallegu manneskju sem hann var.  Skál fyrir Dio og megi minning hans lifa í þúsund ár.