Le sigh...

Það er ekki að ástæðulausu sem þetta djöfulblessaða fyrirtæki kærir allt og alla sem getur unnið gegn þeirra eigin hagsmunum.  Markaðurinn hefur breyst og þeir vita ekki hvernig þeir eiga að bregðast við því.  Ef einhver heldur að fólk sé að dánlóda sjónvarpsþáttum til að spara peninga eða sleppa við auglýsingar þá lifir sá aðili í einskærri sjálfsblekkingu.  Fólk dánlódar sjónvarpsþáttum ekki af neinni annarri ástæðu en til að geta horft á þá þegar þeim sýnist en ekki samkvæmt dagskrá annarra aðila. 

Ungt fólk einfaldlega sættir sig ekki lengur við fyrra fyrirkomulag.  Þetta vandamál hverfur ekki fyrr en dreifingaraðilar draga hausinn úr rassinum á sér og gera sér grein fyrir að ef lokaþátturinn af 24 er kominn á netið þá er margt fólk einfaldlega ekki reiðubúið til að bíða í viku eftir að sjá hann.  Ef þeir bregðast ekki við þessum nýju kröfum markaðarins þá gerir markaðurinn það sjálfur.

Kærur SMÁÍS eru ekki til neins annars brúks en að skorast undan þessum nýju kröfum, og því fyrr sem almenningur hættir að sýna þeim samúð því betra.  SMÁÍS eru ekki ríkisrekið bákn sem þjónar þörfum almennings heldur fyrirtæki sem hefur eigin hagsmuni og gróða að leiðarljósi.  Því skal aldrei gleyma.

Það að SMÁÍS sé að senda út tilkynningar um hver hafi verið tekinn í yfirheyrslu er svo náttúrulega fyrir neðan allar hellur.  Eins og SMÁÍS.  Hver sá sem sér ekki hvers konar áróðursstarfsemi þetta er er sannkallaður idjót.

Eigandi Torrent yfirheyrður